8月20日

呢一排老公仔放大假....咁我都收左爐了....
因為呢段時間要好好享受2人世界~^^
但係我果鋪入廚癮....要搵d野去安撫嫁嘛~^_^"
所以就著手去搵下....有d咩野簡單又好味既食物...可以兩個人一齊入廚既~~
期實我好鐘意食魚香茄子嫁....跟住記起李錦記有出一種方便醬料.....
然後見到有blog友....話試過係好味道嫁...所以我就買黎試下先....
原來真係好易整....易到我唔信...三兩下....20分鐘左右就整好哂啦~
個味道仲真係好好....所以我才特意同大家分享一下....好岩我呢d初學者...
本來仲想買一舊咸魚....但可惜懶去搵....一定要再整加咸魚試下~^_^
我食左兩大碗飯呀....真係好滿足....
要特別鳴謝....老公仔做切茄子同埋拎鑊剷果個....
因為老婆我好怕比d油彈到...我只係從旁指手劃腳果個^^~*

係唔係好似樣呢....連味道都好得嫁~*

配飯一流....真係 "有魚香茄子....添飯添多兩次"~*

材料 :
茄子                       兩條 (選中型及表皮光滑最好)
免治豬肉               一碗 (我去百佳既豬肉檔自己畢....畢一個飯碗份量)
(魚香茄子係無咸魚嫁....只係有個香味only....唔好比個名呃左...哈哈)

醃料 : (醃免治豬肉)
鹽                          1茶匙
糖                          1茶匙
雞粉                      1茶匙
粟粉                      1茶匙
麻油                      少許

醬料 :
魚香茄子醬          一包
豆辦醬                  少許  (鐘意較辣才落)
粟粉                      1茶匙
水                          1/3碗

小夢小小圖解 :
1) 準備兩條茄子 / 一碗免治豬肉
2) 先將豬肉加醃料醃好....放雪櫃備用
3) 茄子洗淨....切條狀
4) 加一湯匙油熱油鑊.....將茄子煮至7成熟 
    (油會被茄子迅速吸收....不要再落油....因為無益....此時可以加細半碗水)
5) 將茄子盛起
6) 熱油鑊炒熟豬肉 (老公豬整左個心型^_^"""..嘿嘿)
7) 魚香茄子醬個look~(比大家睇下)
8) 豬肉炒熟後....下茄子炒勻....再下魚香茄子醬炒勻
9) 此時請試味....我就覺得咸左少少既.....茄子又可能未吸夠水仲係爽....
    所以要加半碗粟粉水....(如果你既茄子已經淋身就加1/3碗水)
10) 如果想辣d....就加豆辦醬....煮多一陣就可以上碟啦....配飯一流呀~*

希望大家唔好介意今次個菜太簡單.....悶親你地啦~^_^""